Poslovne vijesti - Makedonija

Почнува да се гради железничкиот Коридор 8

Финансиските средства во висина од 46,4 милиони евра ќе се обезбедат од Европската банка за обнова и развој, а градежните работи треба да завршат најдоцна во 2017 година.

Во март годинава „Македонски железници - Инфраструктура“ има склучено договор со консултантската компанија ИЛФ од Австрија, која треба да го изработи проектот и тендерската документација за избор на градежна фирма. Во септември треба да се распише повик за градежна компанија, а во февруари или март следната година да се започне и со градежните работи од Куманово до Бељаковце, додаде Јанакиески.

ЕИБ, според Јанакиески, најавила и финансирање на изградбата на делницата од Бељаковце до Крива Паланка, за која се потребни 145 милиони евра за градежни работи. Градбата на овој потег би започнала најдоцна во 2015 година, а би завршила во 2020 година.

Делницата од Коридорот 8 од Крива Паланка до Деве Баир, е најтежок и најскап, а Министерството за транспорт поднело барање до ИПА за обезбедување на средства во висина од два милини евра за изработка на основните проекти. Според проценките оваа делница ќе чини 332 милиони евра, средства кои треба да се обезбедат од ИПА, Европската банка за обнова и развој и Европската инвестициска банка.